Respublikaçılar Partiyasının Nümayəndələr Palatasındakı nümayəndələri birgə bəyanatda Prezident Co Baydenin 2025-ci maliyyə ili üçün açıqlanan büdcə tələbini Amerikanın tənəzzülünə aparan yol xəritəsi adlandırıblar.

Bu barədə “Fox News” məlumat yayıb.

Nümayəndələr Palatasının spikeri Mayk Conson və bir sıra digər tanınmış respublikaçılar tərəfindən verilən bəyanatda deyilir: “Prezident Baydenin təklif etdiyi büdcənin qiymət etiketi bu administrasiyanın ehtiyatsız xərcləmələrə və Demokratların fiskal məsuliyyətə məhəl qoymamasına dair daha bir parlaq xatırlatmadır”.

Qanunvericilər qeyd ediblər: "Zəhmətkeş amerikalılar sarsıdıcı inflyasiya və artan milli borcla mübarizə apardıqca, Prezident solçu gündəmini inkişaf etdirmək üçün trilyonlarla əlavə vergi ödəyicisi dolları xərcləməklə onların iztirablarını artıracaq".

Məlumata görə, hazırda ABŞ-ın dövlət borcu 34,5 trilyon dolları ötür.