2023–2024-cü tədris ilində ölkə üzrə 500-dən çox ümumi təhsil müəssisəsində böyük summativ qiymətləndirmələr rəqəmsal formada təşkil olunacaq.

Elm və Təhsil Nazirliyindən bildirilib ki, rəqəmsal məktəbdaxili qiymətləndirmənin həyata keçirildiyi ümumi təhsil müəssisələrinin şəbəkəsi “Rəqəmsal bacarıqlar” layihəsinin tətbiq edildiyi məktəblərin qoşulması ilə genişlənir.

Ötən tədris ilində ölkə üzrə “Rəqəmsal bacarıqlar” layihəsinin tətbiq edildiyi məktəblərin V-VI siniflərində təhsil alan şagirdlərdən 55 min 840 nəfəri rəqəmsal böyük summativ qiymətləndirmədə iştirak edib.

Xatırladaq ki, məktəbdaxili qiymətləndirmənin rəqəmsallaşdırılması prosesinin tətbiqinə 2021–2022-ci tədris ilindən başlanılıb.